Shillong, Nailar 16
Ka Nongumlong SC bad ka Mawryngkneng SC ki la ïoh jingjop kaba nyngkong eh ha ka lympung ïalehkai Third Division Football League 2024 ba la pynïaid da ka Shillong Sports Association ha ka Sngi Thohdieng.
Ha kane ka jingïakhun jong ka Group-A kaba la long ha SSA Stadium Polo, ka Nongumlong ka la pynliem noh ïa ka Lapalang SC da 3-1 kol bad u Marquis Myrthong u la ïoh thep ar kol.
Ka Nongumlong ka la ïoh pynkhih jar nyngkong lyngba u Riskhem Khriam ha ka minit kaba 19, hynrei hadien shiteng kynta ka Lapalang ka la lah ban pynïakhaid kylla lyngba u Sonjalen Haokip (38). Hadien katto katne por ba la bteng biang ïa ka jingïakhun jong ka kylla miet ka Nongumlong ka la thep biang sa ar kol lyngba u Marquis (71 & 77) bad ban jop shisyndon.
Haba phai sha kawei pat ka jingïakhun jong kane hi ka group, ka Mawryngkneng ka la pynliem noh ïa ka Pomlakrai SC da 3-0 kol. U Ïohbor Mukhim u la thep ar kol ha ka minit kaba 26 & 33 bad ïa kawei pat la thep da u Rishot Sari (65).
