Seoul, Nailar:
Ka North Korea ha ka Sngi Nyngkong ka la pynbna halor ka jingwanrah jongka ia ka liengsuiñ rit ba thymmai ka ‘Suicide Drone’, ha kaba u nongialam katei ka ri- u Kim Jong Un, u la pynbna ba ka jingpyrshang jong katei ka ri ban pyndonkam ia katei ka ‘drone’ ka la long kaba seisoh. Hynrei, ki don pat ki tnat syntiat jong kiwei ki ri, kiba la suba ba kitei ki drone ki dei kiba poi na Russia.
Ha katei ka sngi, la iohi ia utei u nongialam uba peitkai ia kitei ki drone katba ki shipai ka North Korea ki dang pynher ban leit pynbthei ia kitei ki drone sha ka jaka ba la thmu, khnang ba yn ioh peit-thuh ia ka rukom treikam bad ka bor jongki.
Kumta, u Kim u la ong ba ka long kaba donkam ban wanrah shuh-shuh kham bun ia kum kitei ki jait drone, khnang ba kan iarap ban pynkhlaiñ ia ka jingiada na bynta ka North Korea.
