Venezuela, Naitung:
Katkum ki kaiphod ba la ioh lum jingkheiñ thymmai da ki tnat ka koit- ka khiah bad ki tnat iarap jong ka Venezuela, la ong ba ka jingdon jong kiba khlad na u jumai bah ha katei ka ri, ka la kot 4,700 tam bad kumba 17,000 tam kiba la ngat bad mynsaw baroh.
Kitei ki arsien khynñiuh jumai ba jur ha kaba uba nyngkong u long 7.2 Magnitude ka jingkhlaiñ bad 7.5 Magnitude ka jingkhlaiñ uba la wan uwei hadien uwei tang hapoh jong ka shi minit bad kaba la jia ha ka 24 tarik u bnai Jylliew, ha kaba ki la pynjot ïa ka jylla ba don harud duriaw jong ka La Guaira.
Kane ka jingjia, ka la shim ïa ka jingim jong 4,734ngut ki briew bad pynmynsaw ruh ïa 16,740 ngut, katkum ka jingkheiñ ba khatduh, kaba la pynbna da U Jorge Rodriguez, uba dei u heh jong ka National Assembly, ha ka Sngi Ba-ar. Kiba bun na kiba mynsaw ki la shah pyllait noh, u la bynrap.
Ka United Nations, ka khein, ba ki don kumba 50,000 ngut ki briew, kiba la jah rngai, hadien katei ka jingkhie jumai, ha kaba da ki spah tylli ki iing, ki la twa bad ki briew ki la sahkut hapoh ki jingtwa.
