Berlin, Nailar:
Katkum ki khubor, la ong ba tang hadien 1 taiew ba la sakhi ia ka jingjia shah dung tari ha kane ka ri, ki bor pynïaid ka Germany ha ka Sngi Thohdieng ki la pyntip ba sa kawei pat ka jingjia dung tari ka la jia biang, ha kaba kawei ka kynthei ka la dung pynmynsaw ia 5 ngut ki briew hapoh ka bos bad kane ka la jia ha ka thaiñ West jong ka Germany.
katei ka briew kaba la suba ban dei ka nongleh ia katei ka kam thombor, ka la don kumba 32 snem ka rta bad la ioh kem noh ruh ia ka tang hadien katto katne por ba ki pulit ki la leit poi sha katei ka shnong Siegen bad ki pulit kim shym la lap dak ba katei ka briew kan don jingiadei bad kano- kano ka kynhun lehnoh ne kynhun runar hynrei kin dang hap ban tohkit bniah ban lap ia ka daw jong katei ka jingleit thombor jongka ia ki riew paidbah kiba shong ha katei ka bos ha katei ka por.
3 ngut napdeng jong kitei kiba mynsaw, la ong ba ki dei kiba la don hapdeng ka jingma bad tang uwei napdeng kitei ki 5 ngut ba mynsaw, u bym shym la don jingma eiei bad uba la shu mong ka sniehdoh ha ka jing-ot jong katei ka tari ba katei ka briew ka pyndonkam ha katei ka jingjia.
Namar la ong ba ka Germany ka la sakhi ia kawei ka jingjia dung tari kaba shyrkhei dang ha ka taiew kaba la leit, ha kaba 3 ngut ki la khlad noh syndon ha katei ka jingjia bad 8 ngut pat kiba mynsaw. Kane ka la jia ha ka nongbah Solingen kaba sha ka phang West jong ka Germany.
