Jowai, Nailur 03
Ka shlem treikam u District Sports Officer (DSO), West Jaiñtia Hills kan pynlong ïa ka Inter School Basketball Tournament 2024 na ka bynta ki khynnah shynrang bad kynthei ha ka taïew ba khatduh mynta u bnai ha Kiang Nangbah Stadium, Jowai.
La kyrpad ïa baroh ki skul hapoh ka kyrdan Higher Secondary School na West Jaiñtia Hills District ba kin ïashim bynta ha kane ka lympung bad ka sngi khatduh ban pdiang ïa ka jingpynrung kyrteng kan long ha ka 19 tarik mynta u bnai. La kyrpad ïa ki nongïashim bynta ban shim ïa ki entry form na ka ophis jong u DSO ha ki kynta long trei bad ïa ka tarik kumjuh ka jaka pynlong ïa ka jingïakop yn pyntip kham hadien.
