Amlarem, Risaw 30
Ka Pasadwar SC bad ACP Padu kila khur jingjop ha ka 2nd Division katba ka Lumkyntar United bad Mupyut Dongmihsngi kila ïakhaid ha ka 1st Division Football League ba la pynïaid da ka Amlarem Subdivisional Sports Association (ASSA).
Ïa kane ka lympung ïalehkai la pynlong ha madan Mini Stadium Ladjaplem, Amlarem ha ka 30 tarik Risaw.
Haba phai sha ka jingïalehkai jong ka kyrdan 2nd Division Pasadwar kala pynliem da 1-0 ïa ka Syntong lyngba ka kol ba la thep da u Duran Parang (41).
Ha ka jingïalehkai kaba bud, ka ACP Padu ka la pynliem da 2-0 kol ïa ka Syndai Lyngkot.
Ïa ki kol ka ACP Padu la thep ïa ki da u Jingkyrmen Pohleng (34), bad Tyllilang Rynjah (52).
Katba ha ka 1st Division ka jingïalehkai kala kut da mar 1-1 kol hapdeng ka Lumkyntar United bad Mupyut Dongmihsngi.
Na ka bynta ka Lumkyntar United la thep da u Kyntu Shylla (11) bad ïa ka Mupyut Dongmihsngi la thep da u Firstborn Suting (74).
