Khliehriat, Nailur 04
Ka Moosiang Lamare New YWOSC ka la khur ïa ka jingjop, katba ka Sutnga Mission SSCC bad Kairang SC ki la ïakhaid ha ka lympung ïalehkai Second Division Football Tournament ba la pynïaid da ka East Jaiñtia Hills District Football Association (EJHDFA).
Ha kane ka jingïakhun kaba la long ha ka sngi Balang ha madan Artificial Turf kaba ha Deinshynrum, ka Moosiang Lamare New YWOSC ka la pynliem noh ïa ka Pamra Paithlu SCSC da da 2-0 kol.
Ïa kine ki kol jong ka Moosiang Lamare la thep da u Damon Nongtdu ha ka minit kaba 21 bad u Armiki Dkhar ha ka minit kaba 23.
Ha ka jingïalehkai kaba bud hapdeng ka Sutnga Mission SSCC bad ka Kairang SC ki la ïasam mar shi point hadien ba ki la ïakhaid mar 1-1 kol.
Ha kane ka jingïakhun ka Kairang SC ka la ïoh ban pynkhih jar nyngkong eh lyngba u Rimon Nongtdu ha ka minit kaba 6, hynrei ka Sutnga Mission SSCC ka la lah ban pynphai kylla lyngba u Rimiki Dkhar ha ka minit kaba 56 jong ka kylla miet.
Ka jingïalehkai ha ka sngi Palei kan long hapdeng ka Rymbai Pohskur SC pyrshah ïa ka Deinshalalu ha ka por 12:30 baje mynsngi, ka SWO Moosiang Lamare Old SC ïaka Lumputhoi SC ha ka por 2:30 baje nohphai sngi.
