Moscow, Nailur:
Katkum ki khubor, la ong ba uwei u nongai jinghikai ia ki mrad- uba la ithuh kum u Sergei Prichinich, u la shu lait thaw da ka said hadien ba u la shah thombor ha ka dngiem kaba dang pynlehkai ban pynbyrngia ia ki nongpeitkai ha katei ka jinglehkai ‘Circus’. Ia katei ka dngiem la buh kyrteng da ka ‘Donut’ bad la ong ba katba ki paidbah ki dang ia myllen ban peitkai ia ka jingpynlehkai jong utei u nonghikai ia katei ka dngiem, ha kaba kynsan katei ka dngiem ka la ialeh pyrshah bad pyrshang ban aireng pynban ia utei u nonghikai bad ka la kem bad khñiot ia utei u nonghikai ha madan kumba katto katne minit.
La ong ba utei u nonghikai u la ïakhun bad katei ka dngiem da kaba bat tyngeh na ki bynta ka tmoh jong katei ka dngiem ban pyllait ia lade na katei ka jingthmu thombor jong katei ka dngiem ha katei ka sngi.
