Jowai, Nailur 04
Ka Nangbah Mulang ka la khur ïa ka jingjop ha ka lympung ïalehkai 8th Invitation Knockout Football Tournament ba la pynïaid da ka Wahïajer Sports Club ha madan Wahiajer Sports Complex.
Ïa kane ka lympung ïalehkai la sdang ha ka 2 tarik mynta u bnai ha kaba la wan shim bynta da 32 tylli ki kynhun ïalehkai kiba na kylleng ka Jylla bad la plie pyrda ïa ka da u MLA ka Umroi u Bah Damanbait Lamare.
Ka lahduh ha kane ka lympung kan ïohpdiang ïa ka song pisa kaba T. 2 lak 30 hajar tyngka bad kaba wan ba-ar kan ïoh T.1 lak 20 hajar tyngka.
Ha katei ka jingïalehkai kaba la long ha ka sngi Balang, ka Nangbah Mulang ka la lah ban pynliem noh ïa ka Diengchynrum FC da 4-1 kol. Ïa ki kol jong Nangbah Mulang la thep da u Suting Syrti ha ka minit 1&56 bad u Pynshai Lathong u la thep ar kol ha ka minit 47&78. Ïa ka shi kol jong ka Diengchynrum la thep da u Bewithus Sympli ha ka minit 36.
Ïa ka nam Man of the Match la khur da u Suting Syrti jong ka Nangbah Mulang.
Kane ka lympung kan bteng biang ha ka 7 tarik ha kaba ka jingïakhun kan long hapdeng ka Evergreen SC pyrshah ïa ka Brother United ha ka por 2:30 baje nohphai sngi.
