Ka jingkhynra ïa ki bar Jylla da ki dorbar shnong ka long ka policy kaba bha tam eh. Kane kan ïarap bad pynduna ruh ïa ki kynthei jong ngi kiba ïa shong tnga bad ki bar Jylla. Ka sorkar ka shem jingeh ban khanglad ïa ki mynder bar Jylla ban wan rung hapoh u pud u sam ka Jylla.
Hynrei ki Dorabr shnong ki don ka lynti kaba lah ban beh krad ïa ki bar Jylla na ki shnong ki thaw, lada ki wan ha kano kano ka dur ruh. Namar ki bar Jylla ki lah ban wan lyngba ki Niam, ka shongkha shongman bad ka trei ka ktah bad wad kam wad jam hapoh ka ri baieid jongngi. Kumta ka jingïashim bynta ki Dorbar shnong ban khynra ïa ki bar Jylla ka long kaba paka tam eh ban lait na ka jingwan rung beaiñ hapoh ki shnong ki thaw ka ri jongngi.
Dei tang kane ka lad kaba lah ban pynduna bad khanglad ïa ka jingwan buhai ki bar Jylla hapoh ka ri baieit jong ngi. Kane ka long ka jingiohi jongnga kum u riew shimet uba dei u riew paidbah haba ïa dei bad ka jingkhynra ïa ki bar Jylla. Kane ka dei ka lynti kaba biang eh ban khanglad ïa ki bar Jylla ban wan rung hapoh ka Jylla jong ngi.
C. B. Iawphniaw
