Jowai, Nailur 10
Ka jingïalehkai 2nd Division Football Tournament-7th Debo Shullai Memorial Trophy ba la pynïaid da ka West Jaiñtia District Sports Association (WJDSA) ka la ïaid shaid-shaid ha madan Kiang Nangbah Stadium, Jowai.
Ha ka jingïalehkai kaba la long ha ka 10 tarik Nailur,ka Khliehmynkrem ka la jop da 2-1 ïa ka Mootyrshiah.
Ki nongthep kol jong ka Khliehmynkrem ki long u Romiio Lyngdoh 22 bad u D. Nongjngi 27 katba ïa ka kol jong ka Mootyrshiah la thep da u Badskhem Dkhar 16 minit.
Ha ka jingïalehkai kaba bud, ka Chilliangriaj ka la pynliem da 4-2 ïa ka Mukhla Umlangchor.
Ïa ki kol jong ka Chilliangriaj la thep da u Iaki Lanong ha ka minit kaba 5, u Sajemiki Shylla ha ka minit kaba 14 & 80 bad u Hamewan Rngad 46.
Katba ka shi kol jong ka Mukhla Umlangchor la thep da u Pyrkhatlang Sumer ha ka minit kaba 37 bad Niawkor Sari ha ka minit kaba 65.
Ka jingïalehkai mynta ka sngi(11 tarik) kan long hapdeng ka Lion Sports & Youth Affair bad Khliehmyntang Ïalong ha ka por 12 baje mynsngi. Ka Shangpung Moosyiem bad Lumpariat ha ka por 2.00 baje nohphai sngi.
