Shillong, Nailur 10
Ka Rynjah Sports Club ka la khur ïa ka jingjop ha ka lympung ïalehkai Third Division Football League 2024 ba la pynïaid da ka Shillong Sports Association hadien ba ka la pynliem noh ïa ka Lamlynti FC da 5-1 kol ha ka Sngi Ba-ar ha SSA Stadium, Polo.
U Aiboklang Nongrum u la thep ar kol, katba ïa ki shi kol la thep da u Ginzamavi, Kransius Warjri bad u Dameki Tariang. Ha kane ka jingïakhun ka Rynjah ka la pynmih jar nyngkong eh lyngba u Ginzamavi ha ka minit kaba 36 na ka bynta ban tam da 1-0 kol ha ka kylla step. Kane ka kynhun ka la pynbud biang sa ar kol lynhba u Aiboklang Nongrum ha ka minit ba 48 bad u Kransius Warjri ha ka minit ba 59. Ka Lamlynti ka la lah ban pynphai kylla shi kol lyngba u Ksankupar khongngain ha ka minit ba 63. U Aiboklang u la thep biang ïa ka kol ba ar na ka bynta ka Rynjah ha ka minit kaba 89. ïa ka kol kaba khatduh la thep da u Dameki Tariang ka minit kaba 90+4 na ka bynta ban khur syndon ia ka jingjop.
Haba phai sha kawei pat ka jingïakhun hapdeng ka Mawshbuit SC bad ka Sanmer SC ki la ïakhaid mar 3-3 kol. Na ka Sanmer la thep da u Jonathan Mawa ar kol ha ka minit kaba 43 & 50 bad kawei pat da u Banshan Dkhar ( 76). Katba na ka Mawshbuit la thep da u Jaydence Langstang ar kol ha ka minit kaba 75 & 89 bad u Iaskhemlang Wankhar (90+4). Ka jingïakhun ha ka Sngi Balang kan long hapdeng ka Nongumlong SC pyrshah ïa ka Mawryngkneng SC ha ka.por 12.30, katba ka Pomlakrai SC ïa ka Lapalang SC ha ka 3.30 janmiet.
