Jerusalem, Nailur:
Ka tnat shipai ka Israel ka la pynbna ba ka la ioh ban shim ia ka jingim jong 3 ngut ki nongialam ba hakhlieh jong ka Hamas hapdeng ka jingleit hiar thma sha ka phang Shathei jong ka nongbah Gaza.
Kane ka jingleit hiar thma jong ka Israel ka long sha kito ki bynta ba bun ki riew paidbah bad ba don ki nong Mawasi ha ka thaiñ Khan Younis, ha kaba 19 ngut ki la khlad ha katei ka jingjia bad bun kiba la shah tap bad sahkut ha katei ka jaka ba la twa bad julor na ka jingther bom jong ka Israel ha katei ka sngi.
Katkum ki durkhih bad ki dur ba la saphriang paidbah ha ki ‘Social Media’, la iohi ia ki iing dara kiba la ingkhong bad kem ding ha katei ka por ba ka Israel ka leit ban hiar thma sha katei ka bynta, da kaba thmu ban shim ia ka jingim jong kitei 3 ngut ki nongialam ba hakhlieh jong ka Hamas.
