Tehran, Naitung:
U Lamphang jong ka Parliament jong ka Iran, u Mohammad Bagher Ghalibaf, u la maham ba ka Iran kan nym ailad satia, ba ka jinglong jingman, ha ka duriaw ‘Strait of Hormuz’ ba kan iaid beit- iaid ryntih biang kumba ka long ha ki por shwa jong ka thma. U la ong ba ka jingshngain jong katei ka duriaw ka long ha ka jingbym don ki shipai America na katei ka thain. U Ghalibaf u la maham ruh ba ka Iran kan ym ailad ïa kano kano ka ri jong ka Gulf ban die ïa ka umphniang jong ka lada ka Iran kam shah ban die ïa ka umphniang jong ka.
“Ha ka laiñ kaba ngin ym shalan umphniang, ym don mano mano ruh ba lah ban ïaid lyngba ne ban shalan umphniang. Lada ym pynthikna ïa ka jingshngain jong ngi, ym don ki jingtei kiba shngain, bad ka jingshngain jong ka duriaw ka long ha ka jingbym don ki shipai America. Ngi la ju ong bunsien ba ka jinglong jingman jong ka duriaw kan ym wanphai biang sha ki jinglong shwa ka thma,” u la thoh.
Kane ka jingkren ka long hadien ba u President ka America u Donald Trump u la maham ba ki shipai jong ka America kin pynpra ïa kawei ka jingkieng lane ka jaka pynmih bor ding man ka por ba ka Iran kan siat ïa ka lieng ha Strait of Hormuz.
“Naduh kane ka por shakhmat, ha kano kano ka por ba ka Ri Islam ka siat ïa ka lieng ha ka duriaw Hormuz, la ka long da ki Missile, ki Rocket, ki Drone, lane kino kino ki tiar ne ki tiar ialeh, ka America kan bom bad pynjot ïa KAWEI KA JINGKIENG NE KA POWER PLANT, kynthup ïa kito kiba don hajan, lane ha ka Ka rynsan jong ka imlang sahlang.
