Washington, Naitung:
Ka California kaba hapoh ka jingïalam da u Democrat u Gavin Newsom ka la mad biang sa shisien ïa ka jingjur ki jingwan buhai shnong be-aiñ ha America hadien ba uwei u nongwan buhai shnong be-aiñ na India u la shah kem ha ki briew ka tnat Immigration & Customs Enforcement (ICE) ha Pennsylvania ryngkat bad jan $3 million u powder tuh ha ka trok jong u. U Deepak Kumar, 31 snem ka rta, u don ïa ka laisen ñiah kali kamai, kaba la ai da ka California, ong ka khubor jong ki lad pathai khubor jong ka US.
Ki kot ki sla jong ka jingshah kem jong u Kumar, ki pyni ba u la shah kem, ba u kit 10 tylli ki palet jong ka tungsten oxide powder ba la shah tuh, kaba shongdor haduh $2,857,500. Ia kane ka powder la pyndonkam ha ki tiar pynbthei, ki tiar rnong, ki laser, ki tiar ba pyndonkam da ki khmat, bad ki jingkhang ba la shna da ki tiar kiba heh.
La iathuh ba katei ka mar ka dei jong ka Mitsubishi Materials Corporation bad la buh ban leit shim ha ka 24 tarik u Jylliew. Katei ka pickup, ka la slem shisngi, bad baroh, ki i kumba ki iaid beit haduh ba, ha ka 26tarik u Jylliew, katei ka kompeni, ka la ong ba kim lah shuh ban ioh kem ïa u nongniah, ong ka khubor jong ka New York Post.
Nangta ki bor pyniaid ki la pyndonkam da ka Flock Camera – ka tiar kaba kyrpang kaba la tip kum ka Automated License Plate Reader (ALPR) ban iohi ïa ka trok jong u Kumar ha ka 27 tarik u Jylliew. Ki ophisar ki la iathuh ba haba ki la kem ïa utei u nongniah kali, u la ai lai tylli ki rukom pynithuh ïa ki nongtohkit: ka visa treikam kaba khlem treikam, ka laisen thok jong ka Jylla New York, bad ka laisen niah kali kaba biang jong ka California.
Hadien kane la kem ïa u Kumar halor ka jingkynnoh ba u la leh tuh bad la phah ïa u sha McFarland, California hapoh ka jingpeit jong ka ICE.
Ym pat lah ban tip la u Kumar u la tuh ïa katei ka mar ne la pynslem namar ka jingbym iadei bad ka jingiakren.
