Lebanon, Naitung:
Ka tnat shipai jong ka US ha ka Sngi Palei, ka la pynbna ïa ka jingleit hiar thma jongka kaba 13 miet lynter pyrshah ïa ka Iran hadien ba ka jingiakynad ka la mih biang hapdeng kitei ki arliang ri namar ka jingshalan mar na ka duriaw Iran.
Namar la ong ba ki lehnoh Houthi jong ka Yemen kiba la ioh jingkyrshan na ka Iran, ki la ong ba ki la hiar thma ïa ar tylli ki jhad kit umphniang jong ka Saudi Arabia ha ka Duriaw Red Sea, kaba lah ban nang pynheh biang ïa ka thma Iran namar ba ka umphniang pyrthei ka la poi sha ka $100 shi barel.
Ka US Central Command ka la ong ba ki jinghiar thma ba khatduh ki long ban “pynhiar shuh shuh ïa ka jinglah jong ka Iran ban byrngem ïa ki nongleit nongwan bad ki jhad khaii kiba iaid lyngba ki um jong ka thain” katba ki nong America ki dang pyrshang ban ioh biang ïa ka jingsynshar halor ka duriaw Hormuz bad pynphai biang ïa ka jingtuid ki jhad jong ki ri pyrthei.
Kham hadien khyndiat por, ki lad pathai khubor sorkar jong ka Iran, ki la iathuh ba ki don ki jingbthei bom ha shi lynter jong ka duriaw ha Bandar Abbas bad ha Qeshm, kumjuh ruh shaphang shatei lam mihngi hajan Andimeshk bad Omidiyeh.
Ha kajuh ka por, ki Houthi ki la byrngem ban khang noh ïa kawei pat ka lynti khaii pateng kaba kongsan, ha kaba ka ïoh ka kot jong ka pyrthei ka la nang khih lypa na ka jingkhang jong ka Iran ïa ka duriaw Hormuz. Ka jingma ka la wan ha ka por ba ka Iran bad ka US ki la pynjur ïa ki jinghiar thma katba ki dang ïakhun ban synshar ïa katei ka duriaw, lyngba kaba shi bynta na ka san bynta jong ka umphniang bad ka gas ha ka pyrthei ka la ïaid ha ka por ba suk, kaba la pynlong ïa ka jingïakhun ban wad ïa kiwei pat ki lad.
