Belarus, Nailur:
U President jong ka Ukraine, U Volodymyr Zelensky, ha ka Sngi Thohdieng u la pynbna ba 49 ngut ki POW jong ka Ukraine, ki la wan poi iing biang hadien ba la pyllait noh da ka Russia, ha kaba ki nongthoh khubor ruh ki la ioh ban sakhi ia katei ka kynhun kaba la shah pdiang sngewbha ha khappud jong ka Belarus.
Na ka liang u Zelensky um shym la pynshai la kane ka dei shi bynta jong ka jingïakylliang ne jingpyllait briew bad ka Russia kumba ju long.
Shuh shuh ruh Zelensky u la pyntip ba nadpeng jong kitei kiba wan phai baroh, la kynthup lang ia ki riew paidbah, kiba kynthup ia kawei ka samla kaba la shah kem mraw ha ka por ba ka leit phah sumar ia la u kpa uba pang.
Ki nongthoh khubor ki la ioh ban ïakren bad arngut ki kynthei kiba la don ha ka rta kaba 20 snem shaneng, kiba la sop da ki lama jong ka Ukraine bad kiba dang pdiang ïa ki syntiew, kiba la ïathuh ba ki don ha ka karkhana Azovstal, kaba la hap sha u pud- u sam jong ka Russia hadien ka jingshah khang kut noh ha u snem 2022.
Kawei pat ka longkmie, kaba la tip kyrteng kum ka Tetiana Bugay, kaba 29 snem ka rta, ka la iathuh ba ka dei ka nongsumar ha ka Azov brigade kaba la iakhun na ka bynta ka Azovstal.
