Shillong, Nailur 17
Ka kynhun ki ‘rang bad ki ‘thei pyni dohksah ka Jylla hapoh ka lama jong ka Meghalaya Body Builders’ Association ki la ïashim bynta ha ka rynsan pyni dohksah ba la tip kum ka 1st North East Bodybuilding and Physique Championship 2024 kaba la long ha ka 14 bad 15 tarik u Nailur 2024 ha Sikkim.
Ha katei ka jingïakob pyni dohksah, u Wilynder Khonglam ha ka Under 70 kg bad u Bonjovy Ch Marak ha ka Men’s Physique, ki la lah ban rah ïa ka nam jop da kaba wan ha ka kyrdan ba nyngkong. Ïa ka kyrdan balai la khur da u Samewan Paswet ha ka Under 55kg bad u Johnpaul D. Langstieh u la wan ha ka kyrdan basan ha ka Under 55kg.
U Sujit KR Das na ka Jylla u la long kum uwei na ki nongbishar ha katei ka jingïakob bad u Bransley D. Nongkynrih kum u coach ïa katei ka kynhun kaba don hynriew ngut ki nongïashim bynta na ka Jylla.
Lah ban kdew ba na ka liang ka MBBA ka la phah haduh hynriew ngut ki nongshim bynta kiba kynthup ïa u Wilynder Khonglam (under 70kg group), Bonjovy Ch Marak (Men’s physique), Samewan Paswet (under 55kg group), Johnpaul D. Langstieh (under 55kg group), Daribha Kha-rkongor (Women’s Model Physique) bad ka Naphisamanbha K. Shangpliang (Women’s Model Physique).
