Shillong, Nailur 17
Uwei na ki nongrah nar ba paw ka Jylla u Javed Sohtun u la wan ha ka kyrdan ba-ar jong ka 4th Iron Man & Women of Sikkim and 1st Open Full Powerlifting Championship 2024 kaba la sdang naduh 13 haduh 15 tarik mynta u bnai ha Gangtok, Sikkim.
Ïa kane ka rynsan ïakob rah nar la pynlong da ka Sikkim State Powerlifting Association ha kaba la wan shim bynta da ki nongrah nar na kylleng ki jylla jong ka ri. Kane ka Full Powerlifting ka kynthup ia ka Squat, Bench Press bad ka Deadlift.
Lah ban pynkynmaw dangshen u Javed uba na Lumparing u la rah ïa ka nam lahduh (champion of the champion) ha ka Bench Press Competition 2024 ba la pynlong da ka Excel Muscle Gym ha kane ka nongbah
