Jowai, Nailur 20
U Niawkor Sari u la ïoh ïa ka Hat-trick bad pynlong rh ïa ka Mukhla Umlangchor ban pynliem da 6-1 kol ïa ka Maitshaphrang Mowtyrshiah ha ka jingïalehkai 2nd Division-7th Debo Shullai Memorial Trophy.
Ïa kane ka lympung ïalehkai la pynïaid da ka West Jaiñtia District Sports Association (WJDSA) ha madan Kiang Nangbah Stadium, Jowai ha ka 20 tarik Nailur. U Niawkor Sari u la ïoh ban thep kol ha ka minit ïalehkai ba 40, 70 & 77 pynbud sa u Rio Lyngdoh ha ka 45 & 49 minit bad Teei Sumer ha ka 51 min. Katba ka shi kol jong ka Mowtyrshiah la thep da u Ban Suchiang ha ka minit ba 33.
Ha ka jingïalehkai kaba bud, ka jingïakhun ka kut da mar 3-3 kol hadpdeng ka Khliehmyngkrem pyrshah ïa ka NSA.
Ïa ki kol jong ka Khliehmyngkrem la thep da u Marle Khlem ha ka 18 & 47 min bad u Damon H Nongjngi ha ka 44 min; katba ïa ka NSA la thep da u Richard Pasi ha ka 20 min, Heimon Phawa ha ka minit ïalehkai ba 40 bad Phidalis Dkhar ha ka 61 min.
Ha ka 23 tarik Nailur ka jingïalehkai kan long hapdeng ka Rising Sun Mukhla pyrshah ïa ka Shangpung Khliehmuchut ha ka por 12.00 baje mynsngi, ka Ïawmulong Nartiang pyrshah ïa ka Lumbhahdakha Wahïajer ha ka por 2.00 baje nohphai sngi.
