Nongstoiñ, Risaw 27
Ka lympung ïalehkai 3rd West Khasi Hills District Table Tennis Open Tournament ba la pynlong da ka West Khasi Hills District Table Tennis Association ka la poi noh sha kaba kut, ha kaba u Steppingstone Lyngdoh u la khur ïa ka nam lahduh ha ka jingïakhun para marwei (men’s singles).
Ïa kane ka lympung kaba ar sngi la plie da ka Deputy Commissioner ka West Khasi Hills District ka Hema Nayak (IAS) kum ka kongsan.
Haba pynkut ïa kane ka lympung ïalehkai, ïa ka nam nongjop ha ka jingïakhun para marwei jong ki kynthei (women’s singles) la rah da ka Daphibankmen Sohshang.
Nangta, ha ka jingïakhun para marwei jong kiba hapoh 19 snem la khur da u Riskhemlang Syiemlieh bad ka Lancyra R. Marak. Ha ka jingïakhun jong kiba hapoh 14 snem la jop da ka Orianna Linnea Nongsiej bad u Nakidashan L.Mawphlang.
Ha kane ka sngi pynhap pyrda u President jong ka synjuk u Bah Lidingstar Kharsyntiew u la long u kongsan bad u la sam ruh ïa ki khusnam sha ki nongjop ha ki kyrdan bapher bapher.
