Shillong, Risaw 27
Ka Jylla ka la khur sa ka takma rnong lyngba ka ‘thei ïalehkai Judo, ka Larika Kharkylliang ha ka lympung ïalehkai 70th National School Games, ha ka sngi Ba-ar ha nongbah Delhi.
Kane ka takma ka la wan hadien shi sngi ba ka Mirbashisha Kharkylliang ka la khur ïa ka takma rupa ha ka kyrdan ïakop jong kiba hapoh 44kg ha kane kajuh ka jingïalehkai.
Ha kane ka jingïakop ka Larika ka la khur ïa katei ka ta-kma rnong ha ka kyrdan ïakop jong kiba 44 kg shaneng (open weight). Ïa ka takma ksiar la ïoh da ka nong-ïalehkai na Delhi bad takma rupa da ka nongïalehkai na West Bengal.
Lah ban kdew hangne ba kane ka long ka sien kaba nyngkong eh ba ki nongïalehkai Judo ka Jylla ki la lah ban khur takma ha ka National School Games.
