Agartala, Nailur:
Kum shi bynta ban pynpaw ka jingai jingkyrshan na ka bynta ka Bharatiya Janata Party (BJP),u Myntri Rangbah jong ka Tripura u Manik Saha u la ai ka jingkhublei sha ki paidbah jong ka jylla na ka bynta ka jingïashim bynta shitrhem jong ki ha ka jingpynlong jong ka seng ïa ka jingpynrung dkhot.
“Ka Tripura ka la paw ba ka la don palat 400,000 ngut ki nongshong shonng kiba la leit ban pynïasoh bad ka BJP naduh ka 3 tarik, Nailur, ha kaba kane ka la nang kyntiew ïa ka jingpyntreikam ha kaba ïadei bad ka jingpynrung dkhot,” la ong u Saha. Ha ka Sngi U Blei, u Saha ha ka jingthoh kaba u la phah lyngba ki lad phah khubor ha ka rynsan X ban pashat ïa ki jingïaid lynti jong ka seng ha ka jylla, u la pynpaw pyrthei ïa ka jingïaid shakhmat jong ka jingïalap paidbah jong ka seng.
