Shillong, Nailur 27
Da ka jingwanphai biang sha ka jingïalehkai Test, u nongap wiket jong ka kynhun ïalehkai ka ri u Rishabh Pant ha ka Sngi Balang u la ïoh rung biang sha ka thup shiphew da kaba wan ha ka kyrdan hynriew jong ka ICC, hynrei u kapten ka India u Rohit Sharma bad u Virat Kohli ki la shah pynhiar kyrdan.
U Pant (731), uba la ïoh ban khyrwit ïa ki spah run ha ka jingïalehkai ba nyngkong jong ar tylli ka Test series pyrshah ïa ka Bangladesh ha Chennai, u la ïoh ban bat ïa ka kyrdan kaba hynriew, katba u Yashasvi Jaiswal (751), u la kiew sha ka kyrdan kaba san lyngba ka jinglah ban khyrwit ïa ka shiteng spah run ha ka jingïalehkai kaba nyngkong jong ka Test.
U kapten ka India, u Rohit Sharma, uba la ïai bat ïa ka kyrdan ha ka thup kaba shiphew, u la shah pynhiar haduh san kyrdan hadien ba um shym la lah ban ban kamai bun run. Te kumta u la ïoh 716 ki jingkheiñ point.
U Kohli ruh u la shah pynhiar san kyrdan na ka bynta ban don shabar na ka thup kaba shiphew bad mynta u don ha ka kyrdan kaba 12. Ka jingïalehkai Test jong ka Sri Lanka bad ka New Zealand ha Galle ka la wanrah ïa ka jingkylla ha ka kyrdan ïalehkai napdeng ki shiphew ngut ki nongkawang bol, ha kaba u Prabath Jayasuriya u la pynskhem ïa ka nam jong u kum uwei na ki nongïalehkai ba tbit tam kum u nongkawang bol, da kaba kiew san kyrdan sha ka kyrdan kata sha kaba phra hadien ba u la lah ban khur 9 wiket.
U Jayasuriya (743) u dei u rangïalehkai ba heh duh uba mihkhmat ïa ka Sri Lanka ha baroh ki lai tylli ki jingïalehkai, da kaba ïaid lait ïa u Asitha Fernando, uba la hiar ar kyrdan kata sha kaba 13 (700).
U Kamindu Mendis, uba la kiew lai kyrdan sha ka kyrdan kaba 16 ha ka kyrdan napdeng ki nongtied bad u Dhananjaya de Silva, uba la kiew san kyrdan sha ka kyrdan kaba 18 ha ka ‘All-Rounder Rankings’ (168) ki dei kiwei pat kiba la lah ban pynurlong ïa ka jingjop.
Ha ka kyrdan ïalehkai ODI, u khlur ïalehkai ka Afghanistan u Rahmanullah Gurbaz bad u Travis Head na Australia ki la kiew sha ka kyrdan ba hakhmat duh jong ki nongtied na ka bynta ban don hapoh ka thup kaba shiphew, da ka jinglah ban kamai ïa ki spah run ha ki jingïalehkai kiba la long ha UAE bad England.
U Gurbaz u la bteng ïa ka jingangnud jong u ha ka ODI, da kaba u la lah ban tied haduh hynñïew sien ïa ki spah run hashwa ba un rakhe ïa ka sngikha kaba 23 snem, bad u la kiew haduh 10 kyrdan na ka bynta ban don ha kaba phra (692) ban long kum u nongtied ba nyngkong eh jong ka Afghanistan ban don hapoh ka thup laba shiphew jong ka ICC Men’s ODI Batting Ranking.
Kham u rangïalehkai na ka dewbah Asia u la lah ban ïalehkai bha na ka bynta ban don ha ka thup jong ka ODI Batting Rankings u dei u Ibrahim Zadran, uba la kynjoh sha ka kyrdan kaba 12.
Te kumta u Gurbaz uba la lah ban jam sha katei ka kyrdan ba hakhlieh, uba la jam haduh hynñÏew kyrdan na ka bynta ban don ha kaba khyndai (684) hadien ba u la lah ban kamai 154 run (not out) (129) ha ka ODI kaba nyngkong jong ki san sien ïakhun pyrshah ïa ka England.
