Jowai, Risaw 07
Ka New Shillong ka la ïoh jingjop ha ka lympung ïalehkai 8th Invitation Knockout Football Tournament ba la pynïaid da ka Wahïajer Sports Club hadien ba ka la lah ban pynliem noh ïa ka Mookyndur SC da 3-0 kol ha Lah Sngi U Blei ha madan Wahïajer Sports Complex.
Ha kane ka jingïakhun kine ki kynhun ki la pyrshang ban ïakhun tyngeh naduh kaba sdang. ka New Shillong ka la ïoh ban pynkhih jar nyngkong eh lyngba u Rahbor Baino ha ka minit 31. Kane ka kynhun ka la pymbud biang sa ar kol ha ka kylla miet lyngba u Rap Mukhim ha ka minit 65 bad u Just Lyngkhoi ha ka minit 71 na ka bynta ban jop syndon. Ïa ka nam Man of the Match la khur da u Henry Myrboh na ka New Shillong.
Kane ka lympung kan bteng biang ha ka 10 tarik ha kaba ka jingïakhun kan long hapdeng ka Shiparalok FC pyrshah ïa ka Chaphrang Ïong I- FC ha ka por 2:30 janmiet.
