Shillong, Risaw 08
Ka Mylliem SC bad ka Malki SC ki la ïoh jingjop ha ka lympung ïalehkai First Division Football League 2024 ba la pynïaid da ka Shillong Sports Association ha ka Sngi Ba-ar ha First Ground, Polo.
Ha ka jingïakhun kaba nyngkong, ka Mylliem ka la pynliem noh ïa ka Mawkhar SC da 3-0 kol bad kane ka la wan urlong lyngba ka hat-trick ba la khur da u Janhameshwa Marngar hadien ba u la ïoh ban thep ha ka minit kaba 39, 60 & 85.
Haba phai sha kawei pat ka jingïakhun ba ar, ka Malki SC ka la jop da 2-0 kol ïa ka Lawsohtun SC. Kane ka nam jop ka la wan urlong lyngba u Fashioning Syngkli ha ka minit kaba 8 bad ïa kawei pat la iarap pynthep da u rangïalehkai ka liang pyrshah u Joinborlang Nongspung ha ka minit kaba 90+5.
Kane ka lympung kan bteng biang ïa ka jingïakhun ha ka sngi Balang ha kaba ka Umphyrnai SC kan ïakhun pyrshah ïa ka Nongkseh SC ha ka por 12, katba ka Mawtawar SC ïa ka Nongrah SC 2:45 janbmiet
