Washington, Risaw:
Ki bor pynïaid ka US ha ka Sngi Ba-ar ki la iathuh ba la ioh kem noh ia u nong Afghanistan na Oklahoma, hadien ba la lap ia ka jingdon kti jong u ban wanrah ia ki kam thombor ha ka sngi ilekshon.
Ia utei u briew la ithuh kum u Nasir Ahmad Tawhedi, 27 snem ka rta, uba shong ba sah ha ka nongbah Oklahoma hadien ba u la ioh ban leit rung sha US ha u snem 2021 lyngba ka Visa ba kyrpang jong ki phetwir bad la ong ba utei u briew u thmu ban leh ia katei ka kam thombor ha ka kyrteng jong ka Islamic State.
