Shillong, Risaw 13
Ka shi klol ba la thep da u Elnathan D Wahlang ka la biang pura ïa ka Mawtawar SC ban pynliem noh ïa ka Pohkseh SC da 1-0 kol ha ka lympung ïalehkai First Division Football League 2024 ba la pynïaid da ka Shillong Sports Association (SSA).
Ha kane ka jingïakhun kaba la long ha SSA Stadium, Polo kaba la long ha ka sngi Saitjaiñ, utei u rangïalehkai shakhmat u la ïoh ban thep ha ka minit kaba 19 na ka bynta ban ïoh lai point.
Ka jingïalehkai jong ka Second Division ha ka lah sngi U Blei kan long hapeng ka Nongkrem SC pyrshah ïa ka Pay For Right Football Academy ha ka por 12 baje, katba ka Marbisu SC ïa ka Jongksha SC ha ka por 2:45 janmiet.
