Jowai, Risaw 18
Ka Moosalyngkat ka la pynliem ïa ka Mooknor Thadmuthlong da 5-1 kol ha ka 1st Division Football Tournament- 12th Chatister Kharkongor Memorial Trophy 2024 ba la pyniaid da ka West Jaintia District Sports Association (WJDSA) ha madan Kiang Nangbah Stadium ha ka Sngi Thohdieng.
Ïa ki kol jong ka Moosalyngkat la thep da u Iakhroo Laloo ha ka minit ka ba 8 & 64, Obram Sumer ha ka minit 17, Edius L. Laloo ha ka minit 29 bad u Victory Phawa ha ka minit 88. Katba ka shi kol jong ka Mooknor Thadmuthlong la thep da u Phermiki Suchiang haka minit kaba 81.
Katba ka final jong ka lympung ïalehkai 2nd Division Football Tournament-7th Debo Shullai Memorial Trophy kan long hapdeng ka Nangbah Dukhu pyrshah ïa ka Lion Sports & Youth Affair ha ka por 1.30 baje nohphai sngi ha ka Sngi Saitjaiñ.
