Nongstoiñ, Naiwieng 12
Ka kynhun ïalehkai jong ka Members Legend Group Sports Social & Cultural Organisation (MLG) Nongstoiñ ka la rung sha ka final jong ka lympung ïalehkai Mawkaton Invitation Football Tournament 2026.
Kane ka jinglah ban pynthikna ka la wan hadien ba ka la pynliem noh ïa ka Rambrai Jyrngam lyngba ka tie-breaker da 5-4 kol, ha ka jingïakhun semi final kaba la long ha ka sngi Palei.
Kane ka jingïakhun la ong ba ka la long kaba itynnad bad kaba ïakhaid bha ha kaba baroh ar ki kynhun ki la ïathep mar shi kol haduh kaba kut ka por ïalehkai. Hynrei dei ha ka jingïashut tie-breaker ba ka MLG ka la thep da 4-3 kol.
Ïa ka nam Man of the Match la khur da u rangïalehkai ka MLG, u Daïa Shadap bad ïa ka khusnam la sam da ka Kong Markor Syiem kawei na ki longkmie na ka thaiñ, kum ka kongsan.
Na ka liang ki nongpynïaid ki la pyntip ba ka jingïalehkai semi-final kaba ar kan long ha ka 20 tarik mynta u bnai hapdeng ka 4MLP Sohpian pyrshah ïa ka CHGS Majai ha ka por 2 baje nohphai sngi.
