Nongstoiñ, Risaw 18
Ha ka Sngi Thohdieng jong ka taïew ka Leonel Futsal Arena ka la ïoh ban pynhap pyrda noh ïa ka lympung ïalehkai Futsal ïa kaba la tip ruh kum ka 1st knockout 35 yrs Futsal Tournament ha kaba ka kynhun ïalehkai jong ka Lawei FT ka la ïoh ban rah ïa ka nam lahduh.
Ka Lawei FT ka la pynliem noh da 5 kol la 4 ïa ka Sienduli FC ha ka jingïalehkai final kaba la long ha madan Leonel Futsal Arena, Pyndengrei West Khasi Hills .
Ha katei ka sngi u Bah Homeland Dkhar rangbah dong jong ka dong Mawiong pyndengrei kaba hap hapoh ka Shnong Pyndengrei u la long kum u kongsan ha ka jingdonlang ruh u samla Arkiraplang Marweiñ General Secretary Pyndengrei Social & Cultural Sports Club, u samla Laitbha Wahlang dkhot ka Leonel Futsal bad kiwei kiwei kiba la sam ruh ïa ki khusnam sha baroh ar tylli ki team kiba la phoi sha ka final .
Ha kane ka lympung ïalehkai Futsal ki don kumba 13 tylli ki team na kylleng ki jaka ka thain West Khasi Hills kiba la wan ïa shim bynta.