Guwahati, Risaw:
Ka kynhun jong ki pulit ka Assam ka dang bteng ban wad bniah shuh shuh ïa ka kynhun jong ki briew kiba ju wad bniah ha ki kor Computer. Kane ka la long hadien ka jingïohkem ïa saw ngut ki briew halor ka jingkynnoh ba ki shna bad die ïa ki Bank Account sha ki briew kiba lah ban wad bniah ïa ki rukom treikam ka kor computer kiba don shabar ka jylla. Ïa kine kiba la shah kynnoh la tip kyrteng kum u Mukhtar Ali, u Mustafa Hussain, u Mirajul Hussain bad u Javed Ali.
Kine baroh saw ngut ki la shahkem na Hotel Royal kaba don ha ka thaiñ Sijubari jong ka Guwahati. Kane ka jingpyntreikam kaba dang shen ka dei shi bynta jong ka jingtohkit bniah kaba dang ïaid shakhmat halor ki kam sniew kiba mih na ki Cyber, kaba la pynlong ïa kiba bun ba kin shahkem hashwa ha kaba ïadei bad ki kam sniew kiba kum kine.
Kine kiba la shah kynoh ki la thmu ban thaw ïa ki Bank Account ha ka kyrteng jong ki briew, la ka long da kaba pynbor ne da kaba pynbiej ïa ki, bad die ïa ki sha ki nongleh kam sniew ha ki Cyber kiba don shabar jong ka jylla.
