Jowai, Risaw 21
Ka Mukhla Evergreen ka la ïoh jingjop ha ka lympung ïalehkai First Division Football Tournament (12th Chatister Kharkongor Memorial Trophy 2024) ba la pynïaid da ka West Jaiñtia District Sports Association (WJDSA), hadien ba ka la pynliem noh ïa ka Mookyndur da 1-0 kol ha ka Lah Sngi U Blei ha Kiang Nangbah Stadium, Jowai.
Kane ka nam jop ka la wan urlong lyngba ka shi kol ba la thep da u Lahskhemlang Nongsiej ha ka minit kaba 45+3. Ha ka Sngi Ba-ar ka jingïalehkai kan long hapdeng ka Sohmynting pyrshah ïa ka Chutwakhu ha ka por 2 baje nohphai sngi.
