Shillong, Risaw 23
Ka lympung ïalehkai First Division Football Tournament 2024 ba la pynïaid da ka Tyrsad Area Sports Association (TASA) ka la nangjam shaphrang ha kaba ka Nongspung SC bad ka Mawponghong SC ki la ïoh jingjop ha ka Sngi Balang.
Ha kane ka jingïakhun kaba la long ha madan ïalehkai ha Tyrsad, ka Nongspung SC ka la pynliem noh ïa ka Umkaber SC da 3-0 kol. Ïa kine la thep da u Lambertstone Syiemlieh ha ka minit ba 17, nangta da u Johnwilllstone Rani ha ka minit ba 20 bad kawei pat la thep da u Lansteward Syiemlieh ha ka minit ba 34.
Haba phai sha kawei pat ka jingïakhun ba ar, ka Mawponghong SC ka la jop da 3-1 kol ïa ka Perkseh SC. Ïa ki kol na ka Mawponghong la thep da u Rikorlang Shangdiar ha ka minit kaba 24, kumjuh u Precious Jala (53) bad u Lastborn Marweiñ (81). Katba na ka liang ka Perkseh la thep da u Kyrshanlang Nongbet (62).
Kane ka lympung kan bteng biang ha ka Sngi Thohdieng ha kaba ka jingïakhun jong ka Third Division ha ka por 12:30 mynsngi kan long hapdeng ka Lawkhla Mawlong SC pyrshah ïa ka Wahnongkseh SC bad ha ka por 2 baje nohphai sngi ka Dewïep SC ïa ka Kyiem SC. Katba ka jingïakhun jong ka Second Division kan long ha ka por 3:30 janmiet kan long hapdeng ka Mawliehpoh SC pyrshah ïa ka Phanñiewlahrum SC
