Khliehriat, Naiwieng 01
Ka Rymbai Synrangshahkhain SC ka la rung sha ka final ha ka lympung ïalehkai 1st Division Football League n aka bynta ka Thomas Nongtdu Memorial Trophy ba la pynïaid da ka East Jaiñtia Hills District Football Association (EJHDFA).
Kane ka jinglah ban pynthikna ka la wan hadien ba ka la pynliem noh ïa ka Khliehriat East YWSC da 1-0 kol ha ka semi final kaba la long ha madan Diengshynrum, Khliehriat ha ka sngi Saitjaiñ. Ïa kane la thep da u Seigoulen Kipgen ha ka minit kaba 84.Ïa ka nam Player of the Match la khur da u rangïalehkai ka Rymbai Synrangshahkhain u Seiminlal Haokip.
Te kumta lyngba kane ka jingjop ka Rymbai Synrang -shahkhain ka la kiew kyrdan sha ka Super Division bad ban ïoh ban shim bynta naduh ka aïom ka ban wan.
Kawei pat ka jingïalehkai semi final kaba bud kan long ha ka 9 tarik mynta u bnai hapdeng ka Musniang SC pyrshah ïa ka Khliehriat West YWSC ha ka por 2 baje nohphai sngi. Katba ka jingïakhun final kan long ha ka 21 tarik.
