Amlarem, Naiwieng 01
Ka Lurniang Club bad Ammutong SC ki la khur jingjop ha ka 3rd Division Football League ba la pynïaid da ka Amlarem Sub-Divisional Sports Association (ASSA).
Ha ka jingïalehkai kaba la long ha Mini Stadium Ladpajlem ha ka sngi Saitjaiñ, ka Lurniang Club ka la pynliem noh ïa ka YC Moosakhia lyngba ka shi kol ba la thep da u Baïakmen Lyngdoh (32).
Ha kawei pat ka jingïalehkai kaba bud, ka Ammutong SC ka la jop da 1-0 kol ïa ka Syndai Kmai Shnong bad ïa kane la thep da u Lumlang Lamurong (2).
Haba phai sha kawei pat ka jingïalehkai hapdeng ka Model Evergreen SC bad ka DK Umladkhur ki la ïakhaid khlem da lah ban thep kol.
