Imphal, Risaw:
Ha kawei ka jingjia ka bym poi pyrkhat ha ka jingpynlong ïa ka jingleit khynra ha ka shnong Panjang, kaba don ha ki bynta ba shaneng jong ka Thangjing ha Churachandpur distrik, la lap ïa kiba bun ki tiar siat bad pynbthei kiba kynthup ïa ar tylli ki ‘namding kumba antad kiba don 8 phut uwei-uwei, ar tylli ki ‘namding kiba 7 phut ei ei, ar tylli ki Mortar ba la shna hi, uwei u Mortar ba pdeng ba la shna hi, lai tylli ki bom pynbthei kiba khlaiñ bor, kawei ka Radio set bad ar tylli ki bom kawang kti ba la shna hi.
Kine ki jingpyntreikam ki la long halor ka jingthmu ban buh jingshngaiñ ha kane ka thaiñ ban lait na kino-kino ki jingjia bashyrkhei. Ka jingïaid jong ki 201 tylli ki kali ka la long kaba ym don jingktah ei ei ha ki surok ha NH-37 bad 351 tylli ha NH-2, ha ryngkat ka jingpyntreikam pyrkhing ïa ki kyndon bad ryngkat ka jingpahara jong ki kynhun ai jingïada ha ki thaiñ ba ju kham jia khah khah ki jingïakynad bad ki kam thombor.
