Amlarem, Naiwieng 01
Ka Amlarem Sub Divisional Sports Association (ASSA) kan sdang ïa ka lympung ïalehkai Upper Division bad Lower Division Football League ha ka 4 tarik Naiwieng ha madan Mini Stadium Ladjaplem, Amlarem.
Ha ka Upper Division la don 16 tylli ki kynhun ba la phiah ha ki 4 tylli Group A, B, C bad D. Katba ha ka Lower Division ki kynhun ki don 24 tylli ba la phiah ha ka Group A, B, C, D, E, F, G bad H.
Ha ka 4 tarik Naiwieng ka jingïalehkai ha ka kyrdan Upper Division kan long hapdeng ka YSWC Thangbuli bad TSCD Moosakhia ha ka por 2.30 baje nohphai sngi.
Katba ha ka kyrdan Lower Division kan long hapdeng ka Nongtalng Chongthmai bad Amlari Model haka por 10.15 baje mynstep. Ka CSC Krangpamtadong bad Iatyllilang Amsalang ha ka por 11.40 baje mynstep bad Ammutong Pyrshang bad TSC Jong U Shen ha ka por 1.00 baje mynsngi.
