Shillong, Naitung 14
U Myntri ka tnat alehkai ka Sorkar Jylla u Bah Wailadmiki Shylla ha ka sngi Ba-ar u la ong ba ïa baroh ki jingtei na ka bynta ka National Games yn pyndep ha u Nohprah lane ha u Kyllalyngkot.
U la ong ba ka sorkar ka la bei tyngka sha ki synjuk ïalehkai na ka bynta ban phah ïa ki nongïalehkai ban leit shim bynta shabar, hynrei ïa kane la ïeh ha ki ban shim ïa ka rai.
“Ka jingleit shim bynta shabar ka long kaba kongsan bha. Kam dei tang shaphang ka jingai jinghikai, hynrei shaphang ka jinglehkai kumno ban don ïa ka mynsiem ka jingïakhun bad ki nongïalehkai kiba khlaiñ bor,” la bynrap u Bah Shylla.
Utei u Myntri u la bynrap da kaba ong ba ka jingpynkhreh ka dangïaid shakhmat bad ka la pynthymmai ïa ka jingmang pisa na ka bynta katei ka lympung ka ban kot shaduh T. 600 klur tyngka.
“Kham hashwa, kham bun ne duna, ngi la tyrwa sha ka National Games Committee. Ngi la trei ïa kata khyndiat bad ka la poi haduh T. 600 klur tyngka na ka bynta ka National Games,” u la bynrap.
