Shillong, Naitung 14
U rephri uba na Netherlands u Rob Dieperink u la khlad noh ha ka rta kaba 38 snem bad kane ka long hadien katto katne taïew ba u la shah weng napoh ka thup ki nongpynïaid ha ka FIFA World Cup 2026.
U Dieperink u la shah jied ban khmih na ka bynta ka Video Assistant Referee (VAR) jong katei ka lympung, hynrei u la shah weng noh ha u Jymmang hadien ka jingtohkit ki pulit ha Britain. Hadien ïa kane ka jingshah tohkit la pynkut noh na ka daw ba ym shym la lap ïa ki sakhi satar halor ka jingshah kynnoh jong u.
Ha kaba ïadei bad ka jingkhlad ka jong u ym shym la lah ban pynpaw paidbah.
Na ka liang ka Netherlands’ football association (KNVB) ka la leh burom ïa u Dieperink, da kaba pynpaw ïa u kum u rephri uba ïoh ïa ka burom na baroh.
“Ngi sngew kyndit bad sngewsih halor ka jingkhlad noh u Rob Dieperink. Da ka jingkhlad noh jong u Rob, ka pyrthei phutbol ka la duh noh ïa u rephri uba la ñiewkor bad uba don ka jingshemphang ha ka pyrthei.”
“Ki jingsngewlem jong ngi ki don bad ki bahaïing hasem jong u, ki paralok bad baroh kiba la long kiba ieit eh ïa u. Ngi kitbok kitrwiang ïa ki ba kin ïoh ïa ka bor bad jingpyntngen hapdeng kane ka jingjia ba sngewsih.”
