Shillong, Naiwieng 03
Ki don 27 ngut ki khynnah shynrang kiba la don ha ka thup kaba khatduh ka ban sa shim ïa ka rai kaba khatduh da ka Meghalaya Cricket Association ban sei ïa ka kynhun ïalehkai Under-16 na ka bynta ka lympung ïalehkai ka BCCI jong ka aïom ïalehkai 2024-25.
Ka MCA ka la pynmih ïa ka thup kyrteng jong ki rangïalehkai kiba la pyndep ïa ka TW-3 age verification test bad kine mynta kin leit sha ka prokram jied kaba khatduh ka ban long ha nongbah Shillong naduh ka 14 haduh ka 17 tarik mynta u bnai. Ki nongïalehkai ki dei ban poi ha katei ka jaka ha ka por 7:30 mynstep.
Ynda la dep ki jingpyrshang yn sa pynbna ïa ka thup kyrteng jong 15 ngut ki rangïalehkai kiba don ïa ki nongïalehkai ba la pynkhreh bad yn sa pynlong ïa ka prokram kilanmet ban pynkhreh na ka bynta jong ki naduh ka 18 tarik mynta u bnai haduh 2 tarik u Nohprah ha Nongkhrah, Ri-Bhoi, ha shwa ka lympung ïalehkai Vijay Merchant Trophy jong ka BCCI.
Ki la don 21 ngut na ki khynnah shynrang ki la pyndep ïa ka test TW-3 ha kaba sdang jong une u bnai, katba hynriew ngut ki dang lah ban rung sha ka kyrdan U-16 katkum ka jingpynshisha ïa ka rta ba la pynlong ha ka samoi ba la dep.
Ki kyrteng ki rangialehkai ki kynthup ïa u Mannan Surana, Krishiv Chaudhary, Raunak Srivastava, Samelawan S Nongkseh, Manbhalang Marshillong, Chingring K Marak, Aryan Kumar Ray, Sameer Chaudhary, Eshan Siangshai, Benhaden N Marak, Doangkam Ch Marak, Abhijit Chanda, Jakrasil Chuseng R Marak, Abagtha Marak, Joseph Mathew, Chukam Matsram D Shira, Damechua Khongsngi, Hriday Chettri, Jamesbirth Ch Sangma, Trejosh Dey, Trijal Agarwal, Mewankitbok Kharpuri, Udit Pradhan, Gurjit Singh, Everbloom Nongrum, Aryan Tomar & Aadit Pradhan. Ki nongïalam ka kynhun ki long u Sengam G Momin (Coach), Shankar Newar (Assistant Coach), Karma Sangma (Physio) & Santosh Ram (Trainer).
