Washington, Naiwieng:
U President ban sa long jong ka US, u Donald Trump, ha ka Sngi Palei u la thung ia ka nongialap ilekshon kyrpang jong u- ka Susie Wiles kum ka Chief of Staff jong ka White House na ka bynta ban long ka nongkitkam ha ka sorkar bathymmai jong u.
Ha katei ka sngi, u Trump u la ai jingiaroh ia ka Susie bad ong ba ka long ka briew kaba khlaiñ bad kaba trei shitom bad kaba don ruh ka jingshemphang kaba kham ñiar ban shem ha kiwei pat ki kynthei. Namar kata, u Trump u la rai ban thung ia ka kum kawei na ki nongialam ban iadon bynta ha ka sorkar bathymmai jong u.
Kumta ruh la ong ba ka long ka sien nyngkong ban ioh ia ka nong-ialam ‘Chief of Staff’ da ka kynthei ha United States ha kane ka sien ba mynta bad u Trump u la kular ba ka Susie kan pynlong ia ka ri US ka ri kaba khraw sa shisien pat.
