Shillong, Naiwieng 12
Ka kynhun ïalehkai phutbol ka ri (India) kan ïakhun pyrshah ïa ka Malaysia ha ka jingïalehkai paralok jong ka FIFA ka ban long ha Hyderabad’s GMC Balayogi Athletic Stadium ha ka 18 tarik u Naiwieng mynta u snem. Ka kynhun ïalehkai ka India kaba don mynta ha ka kyrdan 125 ha ka pyrthei, ka angnud ban ïoh ïa ka jingjop hapoh ka jingkhmih u coach bathymmai u Monalo Marquez katba ka Malaysia ka don ha ka kyrdan ba 133.
Kane ka dei ka sien ba ar ba kine kynhun kin ïakynduh biang hadien ka semi final jong ka Merdeka Cup ha u Risaw, 2023 ha kaba ka India ka la shah rem noh da 4-2 kol ha ka Malaysia. Hynrei mynta ka India ka pynpaw ba ka la long kaba la pynkhreh bad kan dei ka lad ba kan ïoh pynphai pat ïa kaba ka la rem shisien bad ka angnud ruh ban ïoh ïa ka jingjop.
