Jowai, Naiwieng 02
Ka Bamkamar SC bad ka Lumphyrnai Sohphoh ki la khur jingjop ha ka 1st Division bad Super Division Football League ba la pynïaid da ka Thadlaskein Sports Association (TSA) ha madan Multi Sports Complex Wahiajer ha ka lah sngi U Blei.
Ha ka jingïalehkai jong ka 1st Division, ka Bamkamar SC ka la pynliem noh ïa ka Jalapang SC da 2-1. Ïa ki kol na ka Bamkamar la thep da u Ius Khongjoh (18) bad u Shaphrang Nongrum (38), katba ka Jalapang ka la pynphai kylla shi kol da u Kynmo Phawa (31).
Haba phai sha ka Super Division, ka Lumphyrnai Sohphoh ka la pynliem noh ïa ka Lurshai Larnai da 5-1 kol.
Ha kane ka jingïakhun ka Lumphyrnai Sohphoh ka la ïoh ban thep lyngba u Decidrius Pyrtuh (6), Rio Myrboh (33), Pynbiangmi Mynsong (36) bad u Habandajop Khriam (66 & 81) uba la thep ar kol. Na ka liang ka Lurshai Larnai ka la pynphai kylla shi kol da u Enforce Kharshohnoh (55).
