Amlarem, Naiwieng 13
Ka Khlachyma Nongtalang ka la jop da 2-1 kol pyrshah ïa ka Lamin XI ha ka jingïalehkai Upper Division, katba ka Amtasam, Padu Utd bad ka Shkenpyrsit ki la ïoh jingjop ha ka Lower Division.
Kine baroh ar tylli lympung ïalehkai la pynïaid da ka Amlarem Sub Divisional Sports Association (ASSA) ha madan mini stadium Ladjaplem, Amlarem Sngi Balang.
Haba phai sha ka jingïalehkai Lower Division, ka YC Moosakhia ka la shah pynliem ha ka Amtasam da 0-2 kol. Ïa kine ar tylli kol la thep da u Defender Jungai (15) bad Majesty Rasmut (37).
Ka Padu Utd ka la jop da 1-0 kol ïa ka Nongtalang. Ïa kane ka shi kol la thep da u Banjop Pohleng (11) bad ka Shkenpyrsit ka la pynliem da 2-0 kol ïa ka Sankhat ha kaba u Pynchemi Kyndait marwei u la thep ar kol (16, 38).
Ha ka jingïalehkai Upper Division, ka Khlachympa ka la ïoh thep ïa kine ki kol lyngba Liky Nonglamin (40) bad u Mebaniaitei Kharnuid (50). Katba ka shikol ka Lamin la thep da u Kerlang Khonglah (46).
