Jowai, Naiwieng 15
Ka Sohphoh SC ka la rung sha Quarter Final jong ka lympung ïalehkai 8th Invitation Knock Out Football Tournament ba la pynïaid da ka Wahïajer Sports Club ha madan Wahïajer Sports Complex.
Kane ka la wan urlong hadien ba ka Sohphoh SC ka la pynliem ïa ka Eastern Warriors da 2-1 kol ha ka jingïalehkai kaba la long ha ka Sngi Thohdieng.
Ïa ki kol jong ka Sohphoh SC la thep da u Risuk Suting ha ka minit ba 14 bad Lovingstar Suting (37), katba ka shi kol jong ka Eastern Warriors la thep da u Banshan Kharkongor. Ïa ka khusnam ‘Man of the Match’ la ïoh ïohpdiang da u Risuk Suting.
Ka jingïalehkai ha ka Sngi Saitjaiñ kan long hapdeng ka Nongdawah pyrshah ïa ka Ladthalaboh ha ka por 2.00 nohphai sngi.
