Nongstoiñ, Naiwieng 18
Ka Nongstoiñ District Sports Association (NDSA) ka la pynkhreh ban sdang noh ïa ka lympung ïalehkai phutbol ba la tip ruh kum ka NDSA League Football Tournament 2024 na ka bynta baroh ki kyrdan ïalehkai.
U Bah M. Marngar, General Secretary ka NDSA u la ïathuh ba ïa kane ka rai la shim ha ka Lah Sngi U Blei ha ka Council Meeting jong ka NDSA kaba la long ha Ri Khasi Free Morning School kaba ha New Nongstoiñ.
Haba ïakren bad u nongthoh khubor halor ka jingpynslem ban pynlong ïa kane ka lympung mynta ka samoi, u Bah Marngar u la ong ba ha ka jingshisha ïa kane ka lympung yn sa sdang noh shen. Namar ka jingwit bad ïa tyngkhuh ban pyntrei ïa ka surok Nongstoiñ-Maweit kaba ïaid narud jong ka madan ïalehkai, kumta ka la pynlong ïa ka NDSA ba kan hap ban pynsuki ban pynlong ïa kane ka lympung. Hynrei mynta na ka liang ka NDSA kan sdang noh shen pynlong ïa kane ka lympung ïalehkai.
U Bah Marngar u la ong ruh ba ka NDSA ha kaba ïa dei bad ka Clearance ïadie-ïathied ïa ki nongïalehkai shen kan sa pyllait, hynrei ïa ka jingtip ba bniah ka NDSA kan sa phah ruh ïa ki jingthoh sha baroh ki klob.
