Ranchi, Naiwieng:
U Myntri Rangbah jong ka Assam u Himanta Biswa Sarma u la kam ba ki nongwan rung tuh na Bangladesh ki buh jingma ïa ka kolshor bad ka imlang-sahlang jong ka Jharkhand. U la kynnoh ba ka sorkar synrop hapoh ka jingïalam jong ka seng JMM ha Jharkhand ka la kyrshan halor ka jingwan rungtuh ki bar ri.
“Ki nongbuhai shnong na Bangladesh ki rung sha Jharkhand, ki shongkha ïa ki ‘thei riewlum bad ki knieh ïa ki jaka jong ki. Ki tip ïa u pud u sam jong ka khyndew bad pynngop ha ka jingïeid tang ban ïoh pynkylla niam. Ki buh jingma ïa ka imlang-sahlang bad ka kolshor jong ngi”, la ong u Sarma, uba dei u nongkhmih bniah halor ki kam ba ïadei bad ka ilekshon jong ka seng BJP na ka bynta ka ilekshon Assembly ha Jharkhand, haba kren ha ka jingïalang ha Godda ha ka Sngi U Blei.
“Mynta, ka jingbun briew jong ki Hindu ka la hiar sha ka 67 percent na ka 90 percent ha u snem 1951 ha katei ka thaiñ, katba ka jingbun briew jong ki Muslim ka la kiew sha ka 31 percent ha katei ka por… ka sorkar synrop ba la ïalam da ka seng JMM ka kyrshan ïa ka jingwan rung tuh na ka bynta ka jingïoh jingkyrshan ha ka vote,” la ong u Sarma.
