Shillong, Naiwieng 20
Ka ‘thei ïalehkai shakhmat ka Deepika ka la kylla long ka khlur ïalehkai sa shisien pat na ka bynta ban pynlong ïa ka India ban bat biang ïa ka nam lahduh ha ka Asian Champions Trophy, hadien ba ka la lah ban pynliem ïa ka China kaba la khur ïa ka takma rupa ha ka Olympic, da 1-0 kol ha ka jingïakhun final kaba la long ha ka sngi Balang.
Ha kane ka jingïakhun final, ka Deepika u la lah ban pynurlong lyngba ka penalty corner ha ka minit kaba 31 bad ka la long ka nongthep kaba la ïoh bun eh ha kane ka lympung da kaba la thep haduh 11 kol.
Kumba ka paw hashw ka jingïakhun final, ka India la lah ban pynliem haduh 3-0 kol ïa ka China.
Kane ka long ka sien kaba lai ba ka India ka la lah ban rah ïa ka nam lahduh ha kane ka lympung bad kham hashwa ka la khur ïa ka nam lahduh ha u snem 2016 bad 2023.
Mynta ka India ka dei ka kynhun kaba jop tam ha ka khana ïalehkai jong kane ka lympung ryngkat bad ka South Korea da kaba jop lai tylli ki nam lahduh. Ha kawei pat ka liang, ka China ka hap ban pdiang kum ka kynhun kaba wan ba-ar ha kane ka lympung.
Kham hashwa ka Japan ka la ïoh ban bat ïa ka kyrdan balai hadien ba ka la lah ban pynliem ïa ka Malaysia da 4-1 kol.
Kumba ka paw kane ka jingïalehkai ka la long kaba ïakhaid bha hapdeng ki arliang mamla ha baroh kawei ka jingïakhun. Baroh arliang mamla ka India bad ka China ki la lah ban ïalehkai bha naduh ka bynta kaba shakhmat bad shadien.
