Georgetown, Naiwieng:
U Narendra Modi ula long u Myntri Rangbah duh banyngkong na India ban leit iuhkjat sha Guyana hadien 56 snem ha kaba kane ka jingleit iuhkjat u Modi sha katei ka ri ka long ruh hadien ka jingshah khot sngewbha ha u President kane ka ri u Mohammad Irfaan Ali.Hadien ba ula hiar na ka liengsuin la pdiang sngewbha ia kane ka jingwan u Modi da u President Mohamed Irfaan Ali bad ka kynhun Myntri jong u.
Ha kane ka jingwan iuhkjat jong u Modi un sa ai jingkren ha ka Parliament jong ka Guyana bad kumjuh ruh un sa iakynduh bad ki nongialam jong ki ri Caribbean na ka bynta ka 2nd India-CARICOM Summit. U Jaideep Mazumdar uba long u Ministry of External Affairs Secretary (East)haba kren bad ki lad pathai khubor ha kaba iadei bad kane ka jingleit u Modi sha Guyana ula ong ba ka la don ka jingiakren hapdeng kine ki artylli ki ri halor kane.
U Jaideep ula ong ruh ba ka India bad ka Guyana ka don ka jingiateh lok kaba la bun bun snem mynta bad kane ka long ruh ha ka liang ka koit ka khiah, bording bad kiwei kiwei.
Dang ha u 2023 ka Garden Reach Shipbuilders and Engineers (GRSE)ka la shna ia ki jhad ha kaba la pynpoi ruh ia kine sha Guyana. Kumjuh ruh ka la pynpoi haduh 30,000 ki Solar Light sha ki 30,000 ki longiing bad nalor kane haduh 800 ITEC Alumni jong ka Guyana ki la wan ban pule sha India.
Katkum ka khubor ba la pynmih da ka MEA la ong ba ka Guyana ka long kawei na ki ri kaba la kiew sted bha ha kiba bun ki liang bad don jingkyrmen ruh ba kan iatreilang bad ka India ha kiba bun ki liang ha ki snem ban wan.
